काठमाडौं । लक्ष्मी बैंकले गत आर्थिक वर्ष २०७७/७८ को चौथो त्रैमासिक वित्तीय अवस्था सार्वजनिक गरेको छ । बैंकको नाफा ९.१९ प्रतिशतले वृद्धि भएको छ ।
अघिल्लो वर्ष १ अर्ब ४१ करोड १५ लाख ४९ हजार रुपैयाँ नाफा गरेको बैंकले गत वर्ष १ अर्ब ५४ करोड १३ लाख ९३ हजार कमाएको छ ।
बैंकको संचालन मुनाफा पनि ७.६५ प्रतिशतले वृद्धि भएको छ । अघिल्लो वर्ष २ अर्ब २ करोड ४७ लाख ५५ हजार रुपैयाँ मुनाफा आर्जन गरेको बैंकको गत वर्ष भने २ अर्ब १७ करोड ९७ लाख ७४ हजार रुपैयाँ रहेको छ ।
यस्तै, बैंकले गत वर्ष ३ अर्ब २१ करोड ९३ लाख ७१ हजार खुद ब्याज आम्दानी गरेको छ । जुन अघिल्लो वर्ष तुलनामा ७ प्रतिशतले कमी हो । अघिल्लो वर्ष बैंकले ४६ करोड २१ लाख ६७ हजार रुपैयाँ ब्याज आम्दानी गरेको थियो ।
बैंकको वितरणयोग्य नाफा १ अर्ब ३६ लाख ७३ हजार रुपैयाँ रहेको छ । बैंकको चुक्तापुँजी १० अर्ब ६९ करोड ५६ लाख ९० हजार रुपैयाँ रहेको छ । बैंकले जगेडा कोषमा ४ अर्ब ४० करोड ७७ लाख १५ हजार रुपैयाँ राखेको छ ।
बैंकको खराब कर्जा पनि वृद्धि भएको देखिएको छ । अघिल्लो वर्ष १.०४ प्रतिशत रहेको खराब कर्जा गत वर्ष बढेर १.२१ प्रतिशत पुगेको छ ।
बैंकको प्रतिसेयर आम्दानी १४ रुपैयाँ ४१ पैसा र प्रतिसेयर नेटवर्थ १५७ रुपैयाँ ३२ पैसा रहेको छ ।
वि.सं.२०७८ साउन २९ शुक्रवार १२:२७ मा प्रकाशित