काठमाडौं । केन्द्रीय अनुसन्धान ब्यूरो(सीआईवी)ले बैकिङ् कसूर मुद्दामा फरार व्यक्तिलाई पक्राउ गरेको छ ।
उच्च अदालत पाटनले बैंकिङ कसूरजन्य अपराध ठहर भई फरार रहेका काठमाडौं महानगरपालिका–१६ बस्ने ४८ बर्षी प्रेम कुमारी खड्गीलाई पक्राउ गरेको छ ।
खड्गीले आफ्नो खातामा पर्याप्त मौज्दात रकम नभएको भन्ने जानीजानी झुक्यानमा पारी एनएमबि बैंकको चेक काटेर दिएका थिइन् ।
उनलाई बैंकिङ्ग कसूर तथा सजाय ऐन २०६४ बमोजिम ५ दिन कैद र २० लाख जरिवाना हुने प्रहरीले जनाएको छ ।
काठमाडौंको सोह्रखुट्टेबाट पक्राउ गरि फैसला कार्यान्वयनका लागि ललितपुर जिल्ला अदालतमा पेश गरिएको प्रहरीले जनाएको छ ।
वि.सं.२०७८ साउन २९ शुक्रवार १४:०१ मा प्रकाशित
