काठमाडौं । विषयगत सहकारी संस्थाका समूह सदस्य मार्फत सामूहिक खेती तथा पशु पंक्षीपालन गर्ने सहकारी संस्थाहरुलाई कर्जा बैंकहरुले कर्जा उपलब्ध गराउने भएका छन् ।
शुक्रवार सार्वजनिक भएको चालु आर्थिक वर्ष २०७८/७९ को मौद्रिक नीतिले यस्तो व्यवस्था गरेको हो ।
बचत तथा ऋण सम्बन्धी कारोबार गर्ने सहकारी संस्था बाहेकका अन्य विषयगत सहकारीहरुलाई उक्त प्रयोजनका लागि प्रतिसदस्य ५ लाख ननाघ्ने गरि कर्जा उपलब्ध गराउने भएको हो ।
त्यस्ता सहकारी संस्थाहरुलाई वाणिज्य बैंक, विकास बैंक र वित्त कम्पनीहरुले कर्जा उलपब्ध गराउने सक्ने व्यवस्था मिलाइने मौद्रिक नीतिमा उल्लेख छ ।
वि.सं.२०७८ साउन २९ शुक्रवार १७:१८ मा प्रकाशित
