काठमाडौ । नेपाल फाइनान्स कम्पनीले गत आर्थिक वर्ष २०७७/७८ को चौथो त्रैमासिक वित्तीय अवस्था सार्वजनिक गरेको छ ।
कम्पनीले २ करोड ६२ लाख २८ हजार रुपैयाँ नाफा कमाएको छ । कम्पनीको नाफा अघिल्लो वर्षको सोही अवधिको तुलनामा ४१.२१ प्रतिशतले कमी हो । अघिल्लो वर्ष कम्पनीले ४ करोड ४६ लाख १५ हजार रुपैयाँ नाफा कमाएको थियो ।
गत वर्ष कम्पनीले २ करोड ९९ हजार रुपैयाँ खुद ब्याज आम्दानी गरेको छ । कम्पनीको खुद ब्याज आम्दानी अघिल्लो वर्षको तुलनामा २४.५० प्रतिशतले कमी हो । अघिल्लो वर्ष कम्पनीले २ करोड ६६ लाख २२ हजार रुपैयाँ खुद ब्याज आम्दानी गरेको थियो ।
उक्त अवधिमा कम्पनीको संचालन मुनाफामा भने ६ करोड ७३ हजार रुपैयाँ रहेको छ । अघिल्लो वर्ष ४ करोड ६७ लाख ४२ हजार रुपैयाँ मुनाफा गरेको कम्पनीले गत वर्ष भने २८.५२ प्रतिशतले बढाएको हो । कम्पनीको वितरणयोग्य नाफा १ करोड ७४ लाख ५७ हजार रुपैयाँ रहेको छ ।
कम्पनीको चुक्ता पुँजी ४९ करोड ३४ लाख ९६ हजार रुपैयाँ रहेको छ । कम्पनीले जगेडा तथा कोषमा भने ४३ करोड ९४ लाख ४६ हजार रुपैयाँ राखेको छ ।
गत वर्ष कम्पनीको खराब कर्जा घटेको देखिएको छ । अघिल्लो वर्ष ६८.६३ प्रतिशत रहेको खराजब कर्जा गत वर्ष ४४.८२ प्रतिशतमा झारेको छ ।
कम्पनीको प्रतिसेयर आम्दानी ९ रुपैयाँ ८० पैसा र प्रतिसेयर नेटवर्थ १३३ रुपैयाँ २८ पैसा रहेको छ ।
वि.सं.२०७८ साउन ३१ आइतवार १२:११ मा प्रकाशित
