काठमाडौं । संसदीय समिति अन्तर्गतको अर्थ समितिले सर्वोत्तम सिमेन्ट प्रकरणमा मुछिएका नेपाल स्टक एक्सचेञ्ज (नेप्से)का सिइओ चन्द्र सिंह साउदलाई छलफलको ला गि बोलाएको छ ।
सर्वोत्तम सिमेन्टले बुक बिल्डिङ विधि मार्फत ६० लाख कित्ता साधारण सेयर निष्काशनको तयारीमा रहेको बेला सिइओ साउदले एकाघरमा परिवाको सदस्यको नाममा सेयर खरिद गरेको पाएपछि त्यस विषयमा छलफल गर्न नेप्सेका सिइओ साउदलाई अर्थ समितिले बोलाएको बताइएको छ ।
सिइओ साउदले पदमा बहाल रहँदा श्रीमती सुशिलाकुमारी बोहराको नाममा १० हजार कित्ता सेयर २०७७ पुस २० गते किनेपछि अर्थ समितिले यो विषयमा छलफलको लागि साउदलाई बोलाएको हो । यो विषयमा सोमबार बिहान ११ बजे अर्थ समितिमा छलफल हुने छ ।
वि.सं.२०७८ साउन ३१ आइतवार १८:०७ मा प्रकाशित