काठमाडौं । सीईडीबी हाइड्रोपावर कम्पनीले गत आर्थिक वर्ष २०७८/७८ को चौथो त्रैमासिक वित्तिय अवस्था सार्वजनिक गरेको छ ।
गत वर्ष कम्पनीले १६ करोड १४ लाख ५२ हजार रुपैयाँ नाफा आर्जन गरेको छ । जुन अघिल्लो वर्षको सोही अवधिको तुलनामा ११०.५९ प्रतिशतले बढी हो । अघिल्लो वर्ष कम्पनीको ७ करोड ६६ लाख ६५ हजार रुपैयाँ नाफा कमाएको थियो ।
कम्पनीको सेयर पुँजी ८३ करोड ९४ लाख १० हजार रुपैयाँ रहेको छ । कम्पनीको जगेडा कोष र संचित नाफा भने २६ करोड ६४ लाख ५७ हजार रुपैयाँ रहेको छ ।
उक्त अवधिमा कम्पनीको ब्याज आम्दानी २ करोड ५३ लाख ५ हजार र अन्य आम्दानी २ करोड ७२ लाख ६ हजार रुपैयाँ रहेको छ ।
कम्पनीको प्रतिसेयर आम्दानी १९ रुपैयाँ २३ पैसा र प्रतिसेयर नेटवर्थ १३१ रुपैयाँ ७४ पैसा रहेको छ ।
वि.सं.२०७८ साउन ३२ सोमवार ०९:१३ मा प्रकाशित