काठमाडौं । शिवम् सिमेन्टले गत आर्थिक वर्ष २०७७/७८ को चौथो त्रैमासिक वित्तीय अवस्था सार्वजनिक गरेको छ ।
कम्पनीले गत वर्ष १ अर्ब ३९ करोड ३७ लाख ७५ हजार रुपैयाँ नाफा कमाएको छ । जुन अघिल्ल्लो वर्षको सोही अवधिको तुलनामा १८.४१ प्रतिशतले बढी हो । कम्पनीले अघिल्लो वर्ष १ अर्ब १७ करोड ७० लाख ६१ हजार रुपैयाँ नाफा कमाएको थियो ।
गत वर्ष कम्पनीको बस्तु विक्री आम्दानी ९ अर्ब ६१ करोड ५४ लाख ३२ हजार रुपैयाँ रहेको छ । जुन अघिल्लो वर्षको तुलनामा ६.७३ प्रतिशतले बढी हो । अघिल्लो वर्षको चौथो त्रैमासमा कम्पनीले ९ अर्ब ९० लाख ५० हजार रुपैयाँ आम्दानी गरेको थियो ।
कम्पनीको कुल खर्च ७ अर्ब ९८ करोड ७५ लाख ७३ हजार रुपैयाँ रहेको छ । यो खर्च अघिल्लो वर्षको तुलनामा ४.७७ प्रतिशतले बढी हो । अघिल्लो वर्ष कम्पनीको कुल खर्च ७ अर्ब ६२ करोड ४२ लाख ५३ हजार रुपैयाँ रहेको थियो ।
कम्पनीको चुक्तापुँजी ४ अर्ब ४० करोड रुपैयाँ रहेको छ । कम्पनीको प्रतिसेयर आम्दानी ३१ रुपैयाँ ६८ पैसा र प्रतिसेयर नेटवर्थ २२२ रुपैयाँ ४१ पैसा रहेको छ ।
वि.सं.२०७८ साउन ३२ सोमवार ०९:३४ मा प्रकाशित