काठमाडौं । आइएमई लाइफ इन्स्योरेन्स कम्पनीले गत आर्थिक वर्ष २०७७७८ को चौथो त्रैमासिक वित्तीय अवस्था सार्वजनिक गरेको छ ।
कम्पनीले गत वर्ष १३ करोड ४ लाख ९ हजार रुपैयाँ नाफा कमाएको छ । जुन अघिल्लो वर्ष १.०५ प्रतिशतले मात्र बढी हो । अघिल्लो वर्ष कम्पनीले १२ करोड ९० लाख ५३ हजार रुपैयाँ नाफा कमाएको थियो ।
कम्पनीले यस त्रैमास सम्ममा २ अर्ब ७९ करोड ६३ लाख ३५ हजार रुपैयाँ बीमाशुल्क आर्जन गरेको छ । कम्पनीको कुल बीमाशुल्क आर्जन अघिल्लो वर्षको तुलनामा ९९.४७ प्रतिशतले बढी हो । अघिल्लो वर्ष कम्पनीको कुल बीमाशुल्क आर्जन रकम १ अर्ब ४० करोड १८ लाख ६५ हजार रुपैयाँ रहेको थियो ।
यस त्रैमाससम्ममा कम्पनीले ५२ करोड ८२ लाख ६५ हजार रुपैयाँ कुल दावी भुक्तानी गरेको छ । उक्त अवधिमा भुक्तानी हुन बाँकी दावी रकम भने छैन ।
कम्पनीको चुक्तापुँजी १ अर्ब ४० करोड रुपैयाँ रहेको छ । कम्पनीले जगेडा तथा कोषमा ४७ करोड ७७ लाख ५८ हजार रुपैयाँ राखेको छ ।
यस्तै, जीवन बीमा कोषमा २ अर्ब ९७ करोड २९ लाख ६४ हजार र महाविपत्ति जगेडामा ५ करोड १४ लाख ६ हजार रुपैयाँ राखेको छ । कम्पनीको तिर्न बाँकी दीर्घकालिन ऋण तथा सापटी रकम भने छैन ।
कम्पनीको प्रतिसेयर आम्दानी ९ रुपैयाँ ३१ पैसा र प्रतिसेयर नेटवर्थ १३७ रुपैयाँ ८० पैसा रहेको छ ।
वि.सं.२०७८ साउन ३२ सोमवार १०:४६ मा प्रकाशित
