काठमाडौं । लुम्बिनी विकास बैंकले गत आर्थिक वर्ष २०७७/७८ को चौथो त्रैमासमा साढे ५१ करोड बढी नाफा कमाएको छ ।
सोमबार बैंकले सार्वजनिक गरेको वित्तीय अवस्था अनुसार गत वर्ष ५१ करोड ६२ लाख ८८ हजार रुपैयाँ नाफा कमाएको हो ।जुन अघिल्लो वर्षको सोही अवधिको तुलनामा ३६.३८ प्रतिशतले बढी हो । अघिल्लो वर्षको चौथो त्रैमासमा बैंकले ३७ करोड ८५ लाख ६० हजार रुपैयाँ नाफा गरेको थियो ।
बैंकले उक्त अवधिमा १ अर्ब २२ करोड १० लाख ३ हजार रुपैयाँ खुद ब्याज आम्दानी गर्न सफल भएको छ । कम्पनीको खुद ब्याज आम्दानी अघिल्लो वर्षको तुलनामा ६.१९ प्रतिशतले बढी हो । अघिल्लो वर्ष बैंकको खुद ब्याज आम्दानी १ अर्ब १४ करोड ९७ लाख ५३ हजार रुपैयाँ रहेको थियो ।
बैंकको गत वर्षको संचालन मुनाफा भने १ अर्ब ३४ करोड ७५ लाख ९९ लाख रुपैयाँ रहेको छ । बैंकको संचालन मुनाफा अघिल्लो वर्षको तुलनामा २०.७१ प्रतिशतले वृद्धि भएको हो ।
बैंकको चुक्तापुँजी २ अर्ब ९० करोड ६४ लाख ५३ हजार रुपैयाँ रहेको छ । जगेडा कोषमा भने १ अर्ब ९९ करोड ६४ लाख ७२ हजार रुपैयाँ राखेको छ ।
बैंकले गत वर्षसम्म आईपुग्दा खराब कर्जा पनि घटाएको छ । अघिल्लो वर्ष २.६९ प्रतिशत रहेको खराब कर्जा गत वर्ष भने बैंकले २.१३ प्रतिशतमा झारेको छ ।
बैंकको प्रतिसेयर आम्दानी १७ रुपैयाँ ७६ पैसा र प्रतिसेयर नेटवर्थ १८२ रुपैयाँ २० पैसा रहेको छ ।
वि.सं.२०७८ साउन ३२ सोमवार ११:१० मा प्रकाशित
