काठमाडौं । राष्ट्रिय बीमा कम्पनीले गत आर्थिक वर्ष २०७७/७८ चौथो त्रैमासिक वित्तीय अवस्था सार्वजनिक गरेको छ ।
गत वर्ष कम्पनीले ३६ करोड ३ लाख २८ हजार रुपैयाँ नाफा आर्जन गरेको छ । कम्पनीको नाफा अघिल्लो वर्षको तुलनामा ४३.५७ प्रतिशतले कमी हो । अघिल्लो वर्ष कम्पनीले ६३ करोड ८५ लाख ६६ हजार रुपैयाँ नाफा कमाएको थियो ।
उक्त अवधिमा कम्पनीको कुल बीमाशुल्क आर्जन रकम १ अर्ब ६३ करोड ६० लाख ९९ हजार रुपैयाँ रहेको छ । गत वर्ष कम्पनीले.१५ करोड १८ लाख ५२ हजार रुपैयाँ कुल दावी भुक्तानी गरेको छ । उक्त अवधिमा भुक्तानी हुन बाँकी दावी रकम भने छैन ।
कम्पनी चुक्तापुँजी २६ करोड ६६ लाख ३९ हजार रुपैयाँ रहेको छ । कम्पनीले जगेडा तथा कोषमा ३ अर्ब १४ करोड ८५ लाख ११ हजार रुपैयाँ र बीमा कोषमा २ अर्ब ४३ करोड १ लाख ८० हजार रुपैयाँ राखेको छ ।
कम्पनीको प्रतिसेयर आम्दानी १३५ रुपैयाँ १४ पैसा र प्रतिसेयर नेटवर्थ १ हजार २८० रुपैयाँ ८१ पैसा रहेको छ ।
वि.सं.२०७८ भदौ १ मंगलवार ११:२८ मा प्रकाशित