काठमाडौं । गणतन्त्र इन्डोनेसियाको ७६औँ स्वत्रन्त्रतादिवको अवसरमा नेपालका लागि इन्डोनेसियाको अवैतनिक वाणिज्य दूतको कार्यालय आइएमई कम्पेक्स परिसर, पानीपोखरी, काठमाडौँस्थितकार्यालयमा झण्डोत्तलनको कार्यक्रम सम्पन्न भएको छ ।
मंगलबार बिहान आयोजित एक कार्यक्रमबीच नेपालका लागि इन्डोनेसियाका अवैतनिक वाणिज्य दूत चन्द्रप्रसाद ढकालले इन्डोनेसियाको झण्डोत्तलन गर्नुभएको छ । उक्त अवसरमा दुवै देशको राष्ट्रिय गान बजाइएको थियो ।
कार्यक्रममा अवैतनिक वाणिज्य दूत ढकालले नेपाल र गणतन्त्र इन्डोनेसियाबीच सुमधुर सम्बन्ध रहेको र आगामि दिनमा यसलाई जनस्तरसम्म पु¥याउन आफूले प्रयास गरिरहेको बताउनुभएको छ ।
उहाँले दुई देशबीच नेपाल र गणतन्त्र इन्डोनेसियाबीचको आपसी व्यापार तथा अनुभव आदान प्रदानले जनता र सरकारले फाइदा गर्छलिन सक्ने प्रसस्त संभावना रहेकोले यो सम्बन्धलाई अझ प्रगाढ र मजबुद बनाउनुपर्नेमा जोड दिनुभएको छ ।
नेपाल र गणतन्त्र इन्डोनेसिया बीच सन् १९६० मा औपचारिक कुटनीतिक सम्बन्ध स्थापना भएको थियो । नेपालका लागि इन्डोनेसियाको गैह्र आवासीय राजदूतको कार्यालय बंगलादेशको राजधानी ढाकामा रहेको छ ।
इन्डोनेसियाआसियान राष्ट्रहरु मध्यको सबैभन्दा ठूलो अर्थतन्त्र हो । नेपाल र इन्डोनेसियाबीचको व्यापारको परिमाण पनि ठूलो रहेको छ । दुई देशबीच पर्यटन लगायत व्यापार व्यवसायका क्षेत्रमा थुप्रै सम्भावनाहरु रहेका छन् ।
वि.सं.२०७८ भदौ १ मंगलवार १२:१६ मा प्रकाशित
