काठमाडौं । किसान लघुवित्त वित्तीय संस्थाले गत आर्थिक वर्ष २०७७/७८ को चौथो त्रैमासिक वित्तीय अवस्था सार्वजनिक गरेको छ ।
गत वर्ष कम्पनीले नाफामा छलाङ मारेको छ । अघिल्लो वर्ष ७६ लाख १३ हजार रुपैयाँ नाफा गरेको कम्पनीले गत वर्ष १४ करोड ९० लाख ६६ हजार रुपैयाँ नाफा कमाएको छ ।
कम्पनीको खद ब्याज आम्दानी पनि ३१३.४२ प्रतिशतले वृद्धि भएको छ । अघिल्लो वर्ष ९ करोड ७० लाख ८ खुद ब्याज आम्दानी गरेको कम्पनीको गत वर्ष भने ४० करोड १० लाख ५३ हजार रुपैयाँ रहेको छ ।
यस्तै, गत वर्ष कम्पनीको संचालन मुनाफा ५० करोड ३२ लाख ४८ हजार रुपैयाँ रहेको छ । जुन अघिल्लो वर्ष २६६.५७ प्रतिशतले बढी हो । अघिल्लो वर्ष कम्पनीको संचालन मुनाफा १३ करोड ७२ लाख ८४ हजार रुपैयाँ रहेको छ ।
कम्पनीको चुक्तापुँजी ३९ करोड २८ लाख ८ हजार रुपैयाँ रहेको छ । कम्पनीको जगेडा तथा कोषमा २४ करोड २५ लाख ९२ हजार रुपैयाँ राखेको छ ।
गत वर्ष भने कम्पनीको खराब कर्जा वृद्धि भएको छ । अघिल्लो वर्ष १.५३ प्रतिशत रहेको कम्पनीको खराब कर्जा गत वर्षसम्म ३.४६ प्रतिशत पुगेको छ ।
कम्पनीको प्रतिसेयर आम्दानी ३७ रुपैयाँ ९५ पैसा र प्रतिसेयर नेटवर्थ १६१ रुपैयाँ ६२ पैसा रहेको छ ।
वि.सं.२०७८ भदौ १ मंगलवार १२:५७ मा प्रकाशित