काठमाडौं । अहिले बैंक तथा वित्तीय संस्थाले गत आर्थिक वर्षको चौथो त्रैमाससम्मको वित्तीय अवस्ता सार्वजनिक गरेका छन् । जसका वाणिज्य बैंकले त वित्तीय अवस्था सार्वजनिक गरिसकेका छन् ।
असार मसान्तसम्म बैंकहरुको नाफा २० प्रतिशतले बढेको देखिएको छ । कोरोना महामारीको समयमा बैंकहरुको नाफा २० प्रतिशत बढ्दा पनि सेयर लगानीकर्ताको ध्यान बैंकमा पर्न नसकेको देखिएको छ ।
मंगलबारको कारोबारमा सेयर बजार स्थिर रहँदा पनि बैंकिङ लगायतका अधिकांश समूहको उपसूचकमा गिरावट देखिएको छ । यसले गर्दा लगानीकर्ताले वित्तीय अवस्थालाई नरुचाएको जस्तो देखिएको छ । जसले गर्दा मंगलबार निकै उतार चढावकाबीच सेयर बजार स्थिर बनेको छ ।
कारोबारको सुरुदेखि नै बजारमा निकै उतार चढाव आएको थियो । तर अन्तिम समयमा बजार स्थिर बनेको छ । कारोबारमा २२१ कम्पनीको ३ करोड ६ लाख १३ हजार ४३९ कित्ता सेयर १८ अर्ब २० करोड ४९ लाख ३९ हजार २३७ रुपैयाँको सेयर किनबेच भएको छ । कारोबारमा अधिकांश समूहको उपसूचकमा गिरावट आएको छ ।
यो दिन बैंकिङ समूहको २३.१८, निर्जीबन बीमा १३२.५९, अन्य समूहको ३५.३६, जीवन बीमा समूहको उपसूचक २५१.७८ अंकले घटेको छ । यस्तै विकास बैंक समूहको उपसूचक २९२.७३, जलविद्युत ११६.९३, वित्त कम्पनी १४१.७७, उत्पादन तथा प्रशोधन समूहको ८९.७१, माइक्रोफाइनान्स समूहको उपसूचक ५.४९ अंकले बढेको छ ।
कारोबार रकमको आधारमा अपी पावर कम्पनी अग्रस्थानमा देखिएको छ । कम्पनीको ८६ करोड ३८ लाख २४ हजार ७१७ रुपैयाँको सेयर किनेबेच भएको छ । दोस्रो र तेस्रो स्थानमा जलविद्युत लगानी तथा विकास कम्पनी र अरुण काबेली पावर रहेको छ ।
वि.सं.२०७८ भदौ १ मंगलवार १५:१७ मा प्रकाशित
