काठमाडौं । अरुण काबेली पावरले एघारौँ वार्षिक साधारणसभाका लागि मिति तोकेको छ । कम्पनीले आउँदो भदौ २६ गते सभा गर्ने भएको हो ।
कम्पनीले आर्थिक वर्ष २०७७/७८ को मुनाफाबाट सेयरधनीहरुलाई चुक्तापुँजीको १७ प्रतिशतका दरले बोनस सेयर वितरण गर्ने प्रस्ताव पारित गर्ने छ ।
सभाले आव २०७७/७८ को मुनाफाबाट १७ प्रतिशत बोनस सेयर वितरणपछि कायम चुक्तापुँजी १ बराबर १ का दरले हकप्रद सेयर निष्काशनका लागि स्वीकृति प्रदान गर्ने छ ।
साथै कम्पनीको चुक्तापुँजी वृद्धि हुने भएकाले उक्त प्रयोजनका लागि प्रबन्धपत्र तथा नियमावलीका दफाहरुमा संशोधन गर्ने छ ।सभा प्रयोजनका लागि कम्पनीले भदौ १५ गतेदेखि २५ गतेसम्म बुक क्लोज गर्ने भएको छ ।
विस्तृतका लागि हेर्नुहोस सूचना:
वि.सं.२०७८ भदौ २ बुधवार ११:३३ मा प्रकाशित
