काठमाडौं । नेपाल एग्रो लघुवित्त वित्तीय संस्थाले गत आर्थिक वर्ष २०७७/७८ चौथो त्रैमासिक वित्तीय विवरण सार्वजनिक गरेको छ ।
गत आवमा कम्पनीको २ करोड ९९ लाख ८९ हजार रुपैयाँ नाफा कमाएको छ । जुन अघिल्ले आवको तुलनामा प्रतिशतले ३९१.१५ बढी हो । अघिल्लो आवमा कम्पनीले ६१ लाख ६ हजार रुपैयाँ मात्र नाफा कमाएको थियो ।
गत आवमा कम्पनीले ७ करोड ४८ लाख ४ हजार रुपैयाँ खुद ब्याज आम्दानी गरेको छ । कम्पनीको खुद ब्याज आम्दानी अघिल्लो वर्षको तुलनामा १६८.४० प्रतिशतले बढेको हो । अघिल्लो आवमा कम्पनीले २ करोड ७८ लाख ७० हजार रुपैयाँ आम्दानी गरेको थियो ।
कम्पनीको चुक्तापुँजी ६ करोड ५२ लाख ५८ हजार रुपैयाँ रहेको छ । कम्पनीले जगेडा तथा कोषमा ४ करोड १२ लाख २ हजार रुपैयाँ राखेको छ ।
गत आवमा कम्पनीको खराब कर्जा पनि बढेको देखिएको छ । अघिल्लो आवमा १.५७ प्रतिशत रहेको खराब कर्जा गत आवमा बढेर २.७१ प्रतिशत पुगेको छ ।
कम्पनीको प्रतिसेयर आम्दानी ४५ रुपैयाँ ९५ पैसा र प्रतिसेयर नेटवर्थ १६३ रुपैयाँ रहेको छ ।
वि.सं.२०७८ भदौ २ बुधवार १३:३६ मा प्रकाशित