काठमडौं । साताको अन्तिम कारोबार दिन तीन जलविद्युत कम्पनीको सेयर मूल्यमा नकरात्मक सर्किट लागेको छ । उक्त दिन एचआईडीसीएल, खानीखोला हाइड्रोपावर, पञ्चकन्या माई हाइड्रोपावरको सेयर मूल्य १० प्रतिशतले घटेको हो ।
आज एचआईडीसीएलको प्रतिकित्ता ५७ रुपैयाँ ४० पैसाले घटेर ५१६ रुपैयाँ ६० पैसा कायम भएको छ । खानीखोलाको ४९ रुपैयाँले घटेर प्रतिकित्ता ४४१ रुपैयाँ र पञ्चकन्या माईको प्रतिकित्ता ४६ रुपैयाँ ५० पैसाले घटेर ४१८ रुपैयाँ ५० पैसा कायम भएको छ ।
यस्तै, आज ङादी ग्रुप पावरको ८.७६ प्रतिशत, माउटेन हाइड्रो नेपालको ८.१८ प्रतिशत, आँखुखोला जलविद्युतको ७.६०, बरुण हाइड्रोपावरको ७.२०, आईसीएफसी फाइनान्सको ७.१८ प्रतिशतले सेयर मूल्य घटेको छ ।
यी कम्पनीहरु सहित आज घलेम्दी हाइड्रो, हिमाल दोलखा हाइड्रोपावर, माउनटेन इनर्जी नेपाल, युनाईटेड आईडी मार्दी आरवि हाइड्रोपावर, दिव्यश्वरी, हिमालयन पावर लगायतका लगानीकर्ताहरुले गुमाएका छन् ।
वि.सं.२०७८ भदौ ३ बिहीवार १५:३२ मा प्रकाशित
