काठमाडौं । नेपाल विद्युत प्राधिकरणको लापरबाहीले गर्दा बक्यौता रकम ७२.५३ प्रतिशतले बढेको छ ।
महालेखापरीक्षकको कार्यालयले शुक्रबार सार्जजनिक गरेको ५८ औं बार्षिक प्रतिवेदन २०७८ मा उक्त कुरा उल्लेख रहेको छ । महालेखाको प्रतिवेदनमा विद्युत महशुल बक्यौता गत वर्षको तुलनामा आर्थिक वर्ष २०७६÷०७७ मा ७२.५३ प्रतिशतले बढेर ३२ अर्ब १८ करोड ५१ लाख रुपैयाँ पुगेको छ ।
बक्यौता रकम उठाउन प्रयाप्त पहल नभएको कारण बक्यौता रकम नउठेको प्रतिवेदनमा उल्लेख छ । उक्त रकम मध्ये ट्रक तथा डेडिकेटेड लाइतफर्कको ४९ ग्राहकहरुबाट असुल हुनुपर्ने १५ अर्ब ५३ करोड ५८ लाख रहेको छ । सो रकम कुल बक्यौताको ४८.२७ प्रतिशत हो । यस बाहेक सढक बत्तिको मात्र ३ अर्ब ५३ करोड ५९ लाख बाँकी रहेको छ ।
त्यस्ता ग्राहकमध्ये प्राधिकरणले आव २०७२-०७३ देखि २०७५-०७६ सम्म ६ अर्ब ३४ करोडको बीजक जारी नगरेको देखिएको छ । जसमा आव २०७६÷०७७ मा ४ अर्ब १९ करोड करोडको बीजक जारी गरेको छ भने २ अर्ब १५ करोडको अझै बिजक जारी नगरेको देखिएको छ ।
वि.सं.२०७८ भदौ ४ शुक्रवार १८:०१ मा प्रकाशित