काठमाडौं । नागरिक लगानी कोषले समस्याग्रस्त घोषित भएका वित्तीय संस्थामा साढे ७३ करोड बढी ऋण लगानी गरेको छ । महालेखापरीक्षकको कार्यालयले शुक्रावर सार्वजनिक गरेको ५८औँ प्रतिवेदन यस्तो देखाएको हो ।
कोषले लगानी नीत तथा आधार तयार नगरी संचालक समितिको बैठकले पटक पटक निर्णयको आधारमा समस्याग्रस्त घोषित भएका वित्तीय संस्थामा ७३ करोड ६४ लाख रुपैयाँ ऋण लगानी गरेको हो ।
कोषको केन्द्रीय हिसाव र ११ योजनाको आर्थिक वर्ष २०७६/७७ सम्म १ खर्ब ४० अर्ब ५९ करोड मौज्दात र सञ्चित कोषबाट १ खर्ब ५२ अर्ब ८७ करोड लगानी गरेको छ ।
उक्त लगानी समयमै असुल गर्नका लागि महालेखापरीक्षक कार्यालयले निर्देशन दिएको हो ।
वि.सं.२०७८ भदौ ४ शुक्रवार १९:११ मा प्रकाशित
