काठमाडौं । यूनाईटेड आईडी मार्दी एण्ड आरबि हाइड्रोपावरले गत आर्थिक वर्ष २०७७÷७८ को चौथो त्रैमासिक वित्तीय अवस्था सार्वजनिक गरेको छ ।
कम्पनीले गत आवमा ४ करोड ६० लाख ८२ हजार रुपैयाँ नाफा कमाएको छ । अघिल्लो ४ करोड १४ लाख ९ हजार रुपैयाँ नोक्सानीमा रहेको थियो ।
गत आवमा कम्पनीको विद्युत बिक्री आम्दानी १३ करोड ४५ लाख ८ हजार रुपैयाँ रहेको छ । जुन अघिल्लो आवको सोही अवधिको तुलनामा २७.५२ प्रतिशतले बढेको हो । अघिल्लो आवमा कम्पनीले विद्युत बिक्रीबाट १० करोड ५४ लाख ७६ हजार रुपैयाँ आम्दानी गरेको थियो ।
कम्पनीको चुक्तापुँजी ४२ करोड रुपैयाँ रहेको छ । कम्पनीले जगेडा तथा कोषमा ८ लाख ४८ हजार रुपैयाँ राखेको छ । अघिल्लो आवमा कम्पनीको उक्त कोष ४ करोड ५२ लाख ३३ हजार रुपैयाँ नोक्सानीमा रहेको थियो ।
कम्पनीको प्रतिसेयर आम्दानी १० रुपैयाँ ९७ पैसा र प्रतिसेयर नेटवर्थ १ सय रुपैयाँ २० पैसा रहेको छ ।
वि.सं.२०७८ भदौ ६ आइतवार १४:४८ मा प्रकाशित