काठमाडौं । मानुषी लघुवित्त वित्तीय संस्थाको आइपीओ बाँडफाँट भएको छ । उक्त आईपीओको नतिजा ४ ठाँउबाट थाहा पाउन सकिने छ ।
लगानीकर्ताले अबको केही समयमा नै बिक्री प्रबन्धक नेपाल एसबीआई मर्चेन्ट बैंकिङको वेबसाइट, मेरो सेयर एकाउन्ट, मानुषी लघुवित्त वित्तीय संस्थटाको वेबसाइट र सीडीएससीको आइपीओ रिजल्ट हेर्ने वेवसाइटबाट नतिजा थाहा पाउन सकिने छ ।
मानुषीको आइपीओमा ३६ हजार ८५९ जना लगानीकर्ताले सेयर पाएका छन् । जसमा पनि ३ जनाले ११ कित्ता र ३६ हजार ८५६ जनाले १०-१० कित्ता सेयर हात पारेका हुन् । आइपीओमा २३ लाख ६१ हजार ८२७ जनाले आवेदन दिएकामा ७ हजार ४३ जनाको आवेदन रद्द भएको थियो । बाँकी रहेका २३ लाख ५४ हजार ७८४ जनालाई गोलाप्रथा गरिएको हो ।
गोलाप्रथाबाट ३६ हजार ८५९ जना लगानीकर्ताले भाग्यमानी ठहरिएका छन् । कम्पनीले साउन २७ देखि ३१ गतेसम्म ३ लाख ९३ हजार ७५० कित्ता आइपीओ निष्कासन गरेकोमा ५ हजार ४६९ कित्ता कर्मचारी र १९ हजार ६८८ कित्ता म्युचुअल फन्डलाई छुट्याएको थियो ।लगानीकर्ताको भागमा ३ लाख ८ हजार ५९३ कित्ता सेयर रहेको थियो ।
वि.सं.२०७८ भदौ ७ सोमवार १०:३१ मा प्रकाशित