काठमाडौं । साताको दोस्रो कारोबार दिन सुनको मूल्य वृद्धि भएको छ । नेपाली बजारमा छापावाला सुनको मूल्य प्रतितोला २ सय रुपैयाँले बढेको हो ।
अघिल्लो दिन ९० हजार ९ सय रुपैयाँमा कारोबार भएको सुनको मूल्य आज बढेर ९१ हजार १ सय रुपैयाँ कायम भएको नेपाल सुनचाँदी व्यवसायी महासंघले जनाएको छ ।
सोमबारका लागि महासंघले तेजावी सुनको मूल्य भने ९० हजार ६ सय रुपैयाँ निर्धारण गरेको छ । अघिल्लो दिन ९० हजार ४ सय रुपैयाँमा कारोबार भएको थियो ।
यस्तै, उक्त दिन चाँदीको मूल्यमा पनि बढोत्तरी आएको छ । आज प्रतितोला १० रुपैयाँले वृद्धि भएको चाँदीको मूल्य ११ सय ९० रुपैयाँ कायम भएको छ । अघिल्लो दिन ११ सय ८० रुपैयाँमा खरिदबिक्री भएको महासंघले जनाएको छ ।
वि.सं.२०७८ भदौ ७ सोमवार १०:४१ मा प्रकाशित
