काठमाडौं । अरुण काबेलीले साधारण सभा तथा लाभांश वितरण प्रयोजनका लागि बुक क्लोज मिति तय गरेको छ ।
आउँदो भदौ २६ गते हुने कम्पनीको सभा तथा लाभांश वितरणका लागि भदौ १५ गतेदेखि २५ गते शुक्रबारसम्म बुक क्लोज गर्ने भएको हो ।
कम्पनीले आर्थिक वर्ष २०७७/७८ को मुनाफाबाट सेयरधनीहरुलाई चुक्ता पुँजी १ अर्ब ५८ करोड ५६ लाख ५० हजार रुपैयाँको १७ प्रतिशतका दरले बोनस सेयर र ०.८९ प्रतिशतका दरले नगद लाभांश(कर प्रयोजनका लागि) वितरण गर्ने भएको छ ।
साथै विद्युत नियम आयोगले हालै हकप्रद सेयर निष्काशन गरि बैंकबाट लिएको ऋण चुक्ता गर्न पाउने व्यवस्था गरेको हुँदा आगामी वर्ष कम्पनीले पनि आव २०७७/७८ को बोनस सेयर पछि कायम हुने चुक्तापुँजीमा १ः१ को दरले हकप्रद सेयर निष्काशनको स्वीकृति गरि अनुमोदनका लािग आगामि वार्षिक साधारण सभामा प्रस्तुत गर्ने निर्णय गरेको छ ।
वि.सं.२०७८ भदौ ७ सोमवार ११:०७ मा प्रकाशित
