काठमाडौं । मैलुङ खोला जलविद्युत कम्पनीले गत साउन १४ गतेदेखि १८ गतेसम्म आईपीओ निष्काशन गर्यो । कम्पनीले निष्काशन गरेको ७ लाख ३६ हजार २७६ कित्ता आईपीओ साउन २६ गते बाँडफाँड भयो ।
गोलाप्रथाबाट भएको बाँडफाँडमा ६८ हजार ४७४ जनाले सेयर पाएका थिए । ६८ हजार ४६८ जनाले १० कित्ता तथा ६ जनाले ११ कित्ता सेयर पाएका थिए ।
आइपीओमा २० लाख ६७ हजार ९६७ जनाले आवेदन दिएका थिए । जसमा २ हजार ८४३ जनाको आवेदन रद्द भएको थियो । २० लाख ६५ हजार १२४ जना योग्य भएका थिए ।
कम्पनीको आईपीओले पहिलो कारोबारका लागि ९५ रुपैयाँ ७५ पैसादेखि २८७ रुपैयाँ २५ पैसा ओपन रेञ्ज पाउने देखिएको छ ।
नेपाल स्टक एक्सचेञ्ज(नेप्से)ले कम्पनीको नेथवर्थको आधारमा उक्त ओपन रेञ्ज तोक्ने देखिएको हो । कम्पनी नेवटर्थ ९५ रुपैयाँ ७५ पैसा रहेको छ । नेप्सेले यसकै आधारमा तीन गुणासम्म मूल्य रेञ्ज तोक्ने गर्दछ ।
वि.सं.२०७८ भदौ ७ सोमवार १४:३८ मा प्रकाशित
