काठमाडौं । नेपाल विद्युत प्राधिकरणले समयमै आय विवरण नबुझाएको पाइएको छ । प्राधिकरणले हरेक वर्ष आय विवरण समयमा नबुझाएको महालेखापरीक्षकको ५८ औं प्रतिवेदन-२०७८ ले देखाएको हो ।
प्रतिवेदन अनुसार प्राधिकरणले ढिला विवरण बुझाए वापतको शुल्क ६ करोड ५२ लाख रुपैयाँ रहेको छ । यस्तो शुल्क भुक्तानी गर्नुपर्ने गरी ढिला आय विवरण पेश गर्ने पदाधिकारीलाई जिम्मेवार बनाउन महालेखापरीक्षकको कार्यालयले निर्देशन दिएको छ ।
यस्तै, प्राधिकरणको लापरबाहीका कारण बक्यौता रकम पनि ७२.५३ प्रतिशतले बढेको छ । विद्युत महशुल बक्यौता गत वर्षको तुलनामा आर्थिक वर्ष २०७६-०७७ मा ७२.५३ प्रतिशतले बढेर ३२ अर्ब १८ करोड ५१ लाख रुपैयाँ पुगेको हो । बक्यौता रकम उठाउन प्रयाप्त पहल नभएको कारण बक्यौता रकम नउठेको महालेखाको प्रतिवेदनमा उल्लेख छ ।
उक्त रकम मध्ये ट्रक तथा डेडिकेटेड लाइतफर्कको ४९ ग्राहकहरुबाट असुल हुनुपर्ने १५ अर्ब ५३ करोड ५८ लाख रहेको छ । उक्त रकम कुल बक्यौताको ४८.२७ प्रतिशत हो । यस बाहेक सढक बत्तिको मात्र ३ अर्ब ५३ करोड ५९ लाख बाँकी रहेको छ ।
त्यस्ता ग्राहकमध्ये प्राधिकरणले आव २०७२-०७३ देखि २०७५-०७६ सम्म ६ अर्ब ३४ करोडको बीजक जारी नगरेको देखिएको छ । जसमा आव २०७६-०७७ मा ४ अर्ब १९ करोड करोडको बीजक जारी गरेको छ भने २ अर्ब १५ करोडको अझै बिजक जारी नगरेको देखिएको छ ।
वि.सं.२०७८ भदौ ७ सोमवार १६:२६ मा प्रकाशित
