काठमाडौं । वायु सेवा कम्पनीहरुले नेपाल नागरिक उड्डयन प्राधिकरणलाई बुझाउनु पर्ने शुल्क तथा रोयल्टी बक्यौता रकम असुल हुन सकेको छैन ।
वायु सेवा कम्पनीहरुले प्राधिकरणलाई बुझाउनुपर्ने उक्त शुल्क तथा रोयल्टी ९ करोड भन्दा बढी बक्यौता रकम असुल नभएको हो ।
हालै सार्वजनिक भएको महालेखापरीक्षको ५८औं प्रतिवेदन २०७८ का अनुसार उक्त बक्यौतामध्ये अस्तित्वमा नरहेका दुई हवाई सेवाको मात्र ८ करोडभन्दा बढी रहेको छ ।
यता, क्यासिनो संचालकहरुबाट पनि १ अर्ब बढी बक्यौता उठ्न बाँकी देखिएको छ । क्यासिनो रोयल्टीसंग सम्वन्धित व्यवसायीको विवरण तथा रकम खुल्ने अद्यावधिक अभिलेख पर्यटन विभागले तयार नगर्दा बक्यौत उठन नसकेको हो ।
लेखापरीक्षणबाट संकलन गरिएको विवरणबाट १५ क्यासिनो संचालनकमध्ये ५ संचालकबाट १ अर्ब ८ करोड ६३ लाख रुपैयाँ बक्यौता बाँकी रहेको छ । यो आर्थिक वर्ष २०७६/७७ को २२ करोड ७२ लाख ५० हजार रुपैयाँसहितको बक्यौता हो ।
उक्त बक्यौतामा लाग्ने शुल्कसमेत यकिन गरी असुल गर्नका लागि महालेखापरीक्षक कार्यालयले निर्देशन दिएको छ । क्यासिनो नियमावली २०७० मा क्यासिनो संचालकले रोयल्टी बुझाउनुपर्ने व्यवस्था छ ।
वि.सं.२०७८ भदौ ७ सोमवार १६:५४ मा प्रकाशित
