काठमाडौं । साताको पहिलो कारोबार दिन सेयर बजारमा भारी अंकको गिरावट आएको छ । आइतबार बजार ५६.०३ अंकले घटेको हो ।
आज बजार परिसुचक पनि ३१२४.८७ अंकको बिन्दुमा पुगेर बन्द भएको छ । उक्त दिन १६ अर्ब १२ करोड ४४ लाख ६८ हजार रुपैयाँ बराबरको कारोबार भएको छ ।
उक्त दिन फाइनान्स र निर्जीवन बीमा बाहेक सबै समूह राताम्मे बनेका छन् । आज फाइनान्स ४५.७९ अंक र निर्जीवन बीमा ११२.८ अंकले वृद्धि भएको छ ।
आज सबैभन्दा बढी अरुण भ्याली हाइड्रोपावरको ७५ करोड ४३ लाख ३३ हजार रुपैयाँ बराबरको कारोबार भएको छ ।
कारोबारकै आधारमा दोस्रो स्थानमा रहेको अरुण कावेली पावरको ५१ करोड ९१ लाख ६१ हजार रुपैयाँ बराबरको सेयर खरिदबिक्री भएको छ ।
वि.सं.२०७८ भदौ ८ मंगलवार १५:०७ मा प्रकाशित
