काठमाडौं । स्थानीय तहले टुक्रे योजना संचालनमा साढे ६२ अर्ब रुपैयाँ बढी रकम खर्चिएका छन् ।
हालै सार्वजनिक भएको महालेखपरीक्षको ५८औं प्रतिवेदनका अनुसार ३९० स्थानीय तहहरुले टुक्रे योजनामा ६२ अर्ब ७८ करोड ८० लाख १३ हजार रुपैयाँ खर्च गरेका हुन् ।
प्रतिवेदन अनुसार ती स्थानीयतहरुले ८८ हजार २२१ योजना संचालन गरी उक्त रकम खर्च गरेका हुन् । स्थानीय तहद्वारा संचालित स–साना टुक्रे योजनाको संख्या घटाउनका लागि महालेखापरीक्षकको कार्यालयले निर्देशन दिएको छ ।
यसरी संचालित योजना मध्ये ५ लाख रुपैयाँभन्दा मुनिका ७१ प्रतिशत अर्थात ६२ हजार ७७२ र सो भन्दा बढीका २९ प्रतिशत अर्थात २५ हजार ४४९ रहेका छन् ।
स्थानीय सरकार संचालन ऐन, २०७४ को दफा २४ बमोजिम स्थानीय तहले योजना बनाउँदा मध्यम तथा दीर्घकालिन प्रकृतिका आयोजनाहरुको सूची समेत तयार गरी कार्यान्वयनमा ल्याउनुपर्नेमा व्यवस्था छ ।
वि.सं.२०७८ भदौ ८ मंगलवार १७:०७ मा प्रकाशित
