काठमाडौं । बुधवार सुनको मूल्यमा गिरावट आएको छ । नेपाली बजारमा आज छापावाला सुनको मूल्य प्रतितोला ३ सय रुपैयाँले घटेको हो ।
अघिल्लो दिन ९१ हजार ६ सय रुपैयाँमा कारोबार भएको सुन आज घटेर ९१ हजार ३ सय रुपैयाँ कायम भएको नेपाल सुनचाँदी व्यवसायी महासंघले जनाएको छ ।
महासंले तेजावीको सुनको मूल्य भने आजका लागि ९० हजार ८ सय रुपैयाँ निर्धारण गरेको छ । अघिल्लो ९१ हजार १ सय रुपैयाँमा कारोबार भएको थियो ।
यस्तै, उक्त दिन चाँदीको मूल्यमा भने बढोत्तरी आएको छ । आज चाँदी प्रतितोला १० रुपैयाँले वृद्धि भई १२ सय १० रुपैयाँ कायम भएको महासंघले जनाएको छ । अघिल्लो दिन १२ सय रुपैयाँमा कारोबार भएको थियो ।
वि.सं.२०७८ भदौ ९ बुधवार १०:५६ मा प्रकाशित