काठमाडौं । स्वावलम्बन लघुवित्त वित्तीय संस्थाको संस्थापक सेयर बिक्री गर्ने भएको छ । कम्पनीका संस्थापक सेयरधनी गौरी श्रेष्ठले आफ्नो नाममा कायम रहेको १ हजार १९० कित्ता सेयर बिक्री गर्न लाग्नुभएको हो ।
उक्त सेयरको न्युनतम बिक्री मूल्य ७०१ रुपैयाँ तोकिएको छ । उक्त सेयर खरिदका लागि विद्यमान संस्थापक सेयरधनीहरुलाई प्राथमिकता दिइएको छ । संस्थापक सेयरधनीहरुबाट खरिदका लागि आवेदन नपरेमा अन्य व्यक्ति/संस्थाहरुलाई बिक्री गर्ने कम्पनीले जनाएको छ ।
उक्त सेयर खरिदका लागि सूचना प्रकाशित भएको ३५ दिनभित्र कम्पनीको केन्द्रीय कार्यालय कमलपोखरीमा कार्यालय समयभित्र आवेदन दिनुपर्ने छ ।
वि.सं.२०७८ भदौ ९ बुधवार ११:१० मा प्रकाशित
