काठमाडौं । वाणिज्य बैंकका निक्षेप संकलनको तुलनामा कर्जाको माग ह्वात्तै बढेको छ ।
बैंकर्स संघका अनुसार भदौ ४ गतेसम्ममा बैंकको संकलन हुने निक्षेप ६ अर्ब रुपैयाँले घटेको छ । साउन ३२ गतेसम्म ४१ खर्ब २३ अर्ब रुपैयाँ निक्षेप संकलन गरेका बैंकले भदौ ४ सम्म ६ अर्ब रुपैयाँले घटेर ४१ खर्ब १७ अर्ब रुपैयाँमा सिमित भएको छ ।
यस्तै वाणिज्य बैंकमा कर्जाको माग ह्वात्तै बढेको छ । साउन ३२ गतेसम्म ३७ खर्ब ६४ अर्ब रुपैयाँ कर्जा लगानी गरेका बैंकहरुले अहिले ३७ खर्ब ७८ अर्ब रुपैयाँ कर्जा लगानी गरेका छन् । यो अवधिमा बैंकहरुबाट जाने कर्जा १४ अर्ब रुपैयाँले बढेको छ । यो सहित बैंकहरुबाट भदौ ४ गतेसम्म ३७ खर्ब ७८ अर्ब रुपैयाँ कर्जा प्रवाह भएको देखिएको छ ।
पछिल्लो समयमा सरकारले निषेधाज्ञा जारी गरेपनि यो केही खुकुलो भएसँगै बैंकमा कर्जाको माग निकै बढेको छ । त्यसको तुलनामा निक्षेप संकलन भनेको घटेको संघको तथ्याङकले देखाएको छ ।
वि.सं.२०७८ भदौ ९ बुधवार १६:५३ मा प्रकाशित