काठमाडौं । बिहीवार सुनको मूल्यमा गिरावट आएको छ । आज नेपाली बजारमा छापावाला सुनको मूल्य प्रतितोला २ सय रुपैयाँले घटेको हो ।
अघिल्लो दिन ९१ हजार ३ सय रुपैयाँमा कारोबार भएको सुन आज घटेर ९१ हजार १ सय रुपैयाँ कायम भएको नेपाल सुनचाँदी व्यवसायी महासंघले जनाएको छ ।
महासंघले आजका लागि तेजावी सुनको मूल्य भने ९० हजार ६ सय रुपैयाँ कायम गरेको छ । अघिल्लो दिन तेजावी सुन ९० हजार ८ सय रुपैयाँमा कारोबार भएको थियो ।
यस्तै, आज चाँदीको मूल्य भने स्थिर रहेको छ । बुधवार प्रतितोला १२ सय १० रुपैयाँमा खरिदबिक्री भएको चाँदी आज पनि सोही मूल्य निर्धारण गरिएको महासंघले जनाएको छ ।
वि.सं.२०७८ भदौ १० बिहीवार १०:५३ मा प्रकाशित
