काठमाडौं । एक्सेल डेभलपमेन्ट बैंकले संस्थापक सेयर बिक्री गर्ने भएको छ । बैंकका दुई संस्थापक सेयरधनीहरुले आफ्नो नाममा रहेको संस्थापक सेयर बिक्री गर्न लागेका हुन् ।
बैंकले संस्थापक सेयरधनी अनुराग गोयलको ६१ हजार ६६ कित्ता र टिकाराम शर्मा ढुंगेलको २१ हजार ५ सय कित्ता संस्थापक सेयर आजदेखि बिक्रीमा ल्याएको हो ।
उक्त सेयर खरिद गर्न इच्छुक हाल कायम बैंकका संस्थापक सेयरधनीहरुले आवेदन दिन सक्नेछन् । यो सूचना प्रकाशित भएको ३५ दिनभित्र(आजैका मितिदेखि) आवेदन दिनुपर्नेछ ।
तोकिएको समयमा उक्त सेयर संस्थापक सेयरधनीहरुले खरिद नगरेको खण्डमा प्रचलित कानुन बमोजिम अन्य व्यक्तिलाई बिक्री गर्ने प्रक्रिया अगाडि बढाईने बैंकले जनाएको छ ।
वि.सं.२०७८ भदौ १० बिहीवार ११:२० मा प्रकाशित
