काठमाडौं । सञ्चालनमा रहेका १९ वटा जीवन बीमा कम्पनीले गत आर्थिक वर्षको चौथो त्रैमाससम्म आउदा नाफा ११.९६ प्रतिशतले बढाएका छन् ।
कोरोना महामारीको समयमा पनि जीवन बीमा कम्पनीको असार मसान्तसम्मको नाफा ११.९६ प्रतिशतले बढेर ३ अर्ब ८० करोड ९४ लाख ५३ हजार रुपैयाँ पुगेको छ ।
अघिल्लो असार मसान्तसम्म जीवन बीमा कम्पनीको नाफा ३ अर्ब ४० करोड २४ लाख २३ हजार रुपैयाँ रहेको थियो । एक वर्षको अवधिमा जीवन बीमा कम्पनीको नाफा ४० करोड ७० लाख ३० हजार रुपैयाँले बढेको छ ।
गत आवमा सबैभन्दा बढी नाफा आर्जन गर्ने जीवन बीमा कम्पनीमा नेपाल लाइफ रहेको छ । कम्पनीले गत आवमा ५३ करोड ५९ लाख ४३ हजार रुपैयाँ रहेको छ ।
अघिल्लो आवको सोही अवधिको तुनामा नेपाल लाइफको नाफा १.०९ प्रतिशतले बढेको छ । यस्तै दोस्रोमा नेशनल लाइफ इन्स्योरेन्स रहेको छ । इन्स्योरेन्सको नाफा ४० करोड १२ लाख १० हजार रुपैयाँ रहेको छ । अघिल्लो आवको तुलनामा गत आवमा कम्पनीको नाफा २.५५ प्रतिशतले बढेको छ ।
सबै भन्दा कम नाफा आर्जन गर्ने कम्पनीमा सरकारी स्वामित्वमा रहेको राष्ट्रिय बीमा संस्थान रहेको छ । संस्थानको नाफा ५ करोड ६२ लाख ८२ हजार रुपैयाँ रहेको छ । कम्पनीको नाफा अघिल्लो आवको असार मसान्तको तुलनामा गत आवमा ४.७१ प्रतिशतले घटेको छ ।
यो अवधिमा राष्ट्रिय बीमा संस्थाको साथै सन नेपाल लाइफ, युनियन लाइफ र मेट लाइफको नाफा घटेको छ । सन नेपालको नाफा ७.१५ प्रतिशत, युनियन लाइफको २१.४८ र मेट लाइफको १७.८४ प्रतिशतले नाफा घटेको छ ।
प्रतिशतको आधारमा हेर्दा असार मसान्तसम्म सबैभन्दा बढी प्रभु लाइफ इन्स्योरेन्सको बढेको छ । इन्स्योरेन्सको नाफा २८३.४७ प्रतिशतले बढेको छ ।
त्यस्तै ज्योती लाइफको ८०.५०, रिलायन्स लाइफको ६१.७१, लाइफ इन्स्योरेन्स कर्पोरेशनको नाफा ५९.४३ प्रतिशतले बढेको छ ।
कुनको कति ?
वि.सं.२०७८ भदौ १० बिहीवार १३:५४ मा प्रकाशित