काठमाडौं । साताको अन्तिम कारोबार दिन सेयर बजार वृद्धि भएको छ । आज बजार १७.६० अंकले वृद्धि भएको हो । उक्त दिन बजार परिसुचक ३०९४.०५ अंकको बिन्दुमा पुगेर बन्द भएको छ ।
बिहीवार कारोबार रकम भने घटेको छ । उक्त दिन १३ अर्ब ४२ करोड १९ लाख ७४ हजार रुपैयाँ बराबरको कारोबार भएको छ । उक्त दिन होटेल तथा पर्यटन ११.५१ अंक, विकास बैंक २४१.६५ अंक, जलविद्युत १६९.३७, फाइनान्स १२०.२२ र माइक्रोफाइनान्स ३७.५७ अंकले वृद्धि भएको छ ।
आज बैंकिङ समूह ७.५९ अंक, व्यापार ११.३९, निर्जीवन बीमा ५२.७४, जीवन बीमा १५४.६४, उत्पादक तथा प्रशोधन २७.२९, अन्य ६ अंक, लगानी ०.०९, म्युचुअल फण्ड ०.०५ अंकले घटेको छ ।
उक्त दिन दुई जलविद्युत कम्पनीको लगानीकर्ता झुम्मिएका छन् । सबैभन्दा बढी अरुण भ्याली हाइड्रोपावरको ९३ करोडड ८४ लाख ४० हजार रुपैयाँ बराबरको कारोबार भएको छ ।
कारोबारकै आधारमा दोस्रो स्थानमा रहेको अरुण कावेली पावरको ४५ करोड ६ लाख ७१ हजार रुपैयाँ बराबरको कारोबार भएको छ ।
वि.सं.२०७८ भदौ १० बिहीवार १५:०९ मा प्रकाशित