काठमाडौं । चालु आर्थिक वर्ष २०७८-७९ को पहिलो महिनामा नै आयातको झण्डै दोब्बर बढेको छ ।
भन्सार विभागका अनुसार साउन महिनामा १ खर्ब ५० अर्ब ७३ करोड १७ लाख १९ हजार रुपैयाँको आयात भएको छ । गत साउन महिनाको तुलनामा आयात ७५.६६ प्रतिशतले आयात बढेको छ । गत साउनमा ८५ अर्ब ८० करोड ७९ लाख ८९ हजार रुपैयाँको आयात भएको थियो ।
यस्तै निर्यात पनि ११५.८५ प्रतिशतले बढेको छ । गत आवको साउनमा ९ अर्ब ६२ करोड ४९ हजार रुपैयाँको निर्यात भएकोमा यो साउनमा २० अर्ब ७६ करोड ५१ लाख १७ हजार रुपैयाँको निर्यात भएको छ । चालु आवको सोही अवधिमा २० अर्ब ७६ करोड ५१ लाख १७ हजार रुपैयाँको निर्यात भएको छ । यो अवधिमा निर्यात पनि शतप्रतिशत भन्दा बढी नै रहेको छ ।
विभागका अनुसार साउन महिनामा १ खर्ब २९ अर्ब ९६ करोड ६६ लाख २ हजार रुपैयाँको व्यापार घाटा रहेको छ । यो गत आवको सोही अवधिको तुलनामा ७०.५९ प्रतिशतले बढी हो । साउन महिनामा ब्यापार घाटा ७६ अर्ब १८ करोड ७९ लाख ४० हजार रुपैयाँ रहेको थियो ।
साउन महिनामा १ खर्ब ७१ अर्ब ४९ करोड ६८ लाख ३६ हजार रुपैयाँको वैदेशिक व्यापार गरेको छ । जुन गत साउनको तुलनामा ७९.७१ प्रतिशतले बढी हो । गत साउनमा वैदेशिक व्यापार ९५ अर्ब ४२ करोड ८० लाख ३८ हजार रुपैयाँ रहेको थियो । यो साउनमा आयात–निर्यातको अनुपात १८.६२ प्रतिशतले घटेको छ ।
वि.सं.२०७८ भदौ १० बिहीवार १६:३५ मा प्रकाशित