काठमाडौं । साउन महिनामा मात्रै १ खर्ब ५० अर्ब ७३ करोड १७ लाख १९ हजार रुपैयाँको आयात भएको छ । यो अवधिमा २० अर्ब ७६ करोड ५१ लाख १७ हजार रुपैयाँको वस्तु तथा सेवा निर्यात भएको छ ।
काठमाडौं । चालु आर्थिक वर्ष २०७८-०७९ को पहिलो महिनामा नै १ खर्ब ५० अर्ब ७३ करोड १७ लाख १९ हजार रुपैयाँको वस्तु तथा सेवा आयात भएको छ । यस्तै २० अर्ब ७६ करोड ५१ लाख १७ हजार रुपैयाँ निर्यात भएको छ । गत आवको साउन महिनाको तुलनामा आयात ७५.६६ प्रतिशतले बढ्दा निर्यात ११५.८५ प्रतिशतले बढेको छ ।
भन्सार विभागका अनुसार देशभरका २४ वटा भन्सार बिन्दुबाट उक्त आयात हुँदा निर्यात भने ११ वटा भन्सार बिन्दुबाट मात्रै भएको छ ।
२४ वटा भन्सार नाकामा सबैभन्दा बढी आयात वीरगञ्जबाट भएको छ । वीरगञ्जबाट एम महिनामा ५० अर्ब ४६ करोड ४८ लाख ९० हजार रुपैयाँको आयात हुँदा निर्यात ९ अर्ब ५९ करोड ६९ लाख ६२ हजार रुपैयाँको भएको छ ।
वस्तु तथा सेवा धेरै आयात गर्ने दोस्रो भन्सारमा भैरहवा रहेको छ । भैरहवा भन्सार नाकाबाट २५ अर्ब २९ करोड १७ लाख १५ हजार रुपैयाँको वस्तु तथा सेवा आयात भएको छ भने ८५ करोड ८८ लाख ९० हजार रुपैयाँको निर्यात भएको छ ।
विभागका अनुसार १० अर्ब भन्दा बढी वस्तु तथा सेवा आयात गर्ने भन्सारमा बिराटनगर १८ अर्ब ४० अर्ब १५ लाख ८८ हजार, त्रिभुवन अन्तर्राष्ट्रिय विमानस्थलबाट १७ अर्ब ८५ करोड ७२ लाख ९६ हजार, ड्राइपोर्टबाट १७ अर्ब ३ करोड ६७ लाख ८३ हजार रुपैयाँको वस्तु तथा सेवा आयात भएको छ । सबै भन्दा कम थाडी भन्सार नाकाबाट ७९ लाख १२ हजार रुपैयाँको मात्रै वस्तु तथा सेवा आयात भएको छ ।
यस्तै विभागका अनुसार बिराटनगरबाट ५ अर्ब ८६ करोड २९ लाख ७७ हजार रुपैयाँको निर्यात भएको छ भने त्रिभुवन अन्तर्राष्ट्रिय विमानस्थलबाट २ अर्ब ९० करोड २६ लाख ६ हजार, ड्राईपोर्टबाट ३५ करोड ६१ लाख ९० हजार, नेपालगञ्जबाट १५ करोड २ लाख ३६ हजार, मेची भन्सारबाट ९० करोड ५९ लाख ७० हजार रुपैयाँको बस्तु तथा सेवा निर्यात भएको छ ।
विभागका अनुसार साउन महिनामा १३ वटा भन्सारबाट निर्यात शून्य रहेको छ । जसमा रसुवा, तातोपानी, जलेश्वर, सुनसरी, सर्लाही, गौर, जनकपुर, महेशपुर, सती, सिराहा, भद्रपुर र राजविराज भन्सार बिन्दुबाट कुनै पनि वस्तु तथा सेवा निर्यात भएको छैन ।
वि.सं.२०७८ भदौ ११ शुक्रवार १२:३३ मा प्रकाशित
