काठमाडौं । मुक्तिनाथ क्यापिटलले वार्षिक साधारणसभाका लागि मिति तय गरेको छ । कम्पनीले बाह्रौँ वार्षिक साधारणसभा असोज १ गते गर्ने भएको हो ।
भदौ ९ गते बसेको संचालक समितिको १०९औँ बैठकले उक्त दिन सभा गर्ने निर्णय गरेको छ । कम्पनीले होटेल क्राउन इम्पेरियल रविभवन काठमाडौंमा हुने भएको हो ।
सभाले संचालक समितिले प्रस्ताव गरे बमोजिम आर्थिक वर्ष २०७७/७८ को मुनाफाबाट सेयरधनीहरुलाई चुक्तापुँजीको १८ प्रतिशत(करसहित) नगद लाभांश वितरण गर्न स्वीकृत गर्ने छ ।
यस्तै, संचालक समितिको तर्फबाट अध्यक्षको प्रतिवेदनमा छलफल तथा पारित, लेखापरीक्षक नियुक्ति र निजको पारिश्रमिक निर्धारण लगायतका एजेण्डाहरु रहेको छन् ।
वि.सं.२०७८ भदौ ११ शुक्रवार १३:०४ मा प्रकाशित