काठमाडौं । प्रुडेन्सियल क्यापिटल म्यानेजमेन्टले आफ्नो स्वामित्वमा रहेको चार कम्पनीको संस्थापक सेयर आजदेखि बिक्रीमा ल्याएको छ ।
कम्पनीले प्रभु बैंक, नेशनल लाइफ इन्स्योरेन्स, नेपाल ग्रामिण विकास लघुवित्त वित्तीय संस्था र प्राइम कमर्शियल बैंकको संस्थापक सेयर बिक्री गर्न लागेको हो ।
जसमध्ये न्युनतम मूल्य १८५ रुपैयाँ तोकिएको प्रभु बैंकको ५० हजार कित्ता, नेशनल लाइफ इन्स्योरेन्सको ५० कित्ता(न्युनतम मूल्य ४३७ रुपैयाँ), नेपाल ग्रामिणको ३५ हजार कित्ता (न्युनतम ४५५ रुपैयाँ) र प्राइम बैंकको ७० हजार कित्ता( न्युनतम मूल्य २०८ रुपैयाँ) संस्था सेयर आजदेखि बिक्रीमा आएको हो ।
चार वटै कम्पनीको उक्त सेयर खरिदका लागि तोकिएको न्युनतम मूल्य भन्दा बढी अंकित गरि न्युनतम २ हजार कित्ता र अधिकृतम सम्पूर्ण कित्ताका लागि आवेदन दिन सक्नेछन् ।
उक्त सेयर खरिद गर्न चाहाने विद्यमान संस्थापकहरु वा जो कोही व्यक्ति, कम्पनी, संघ/संस्थाहरुले भदौ २५ गते कार्यालय समयभित्र आवेदन पेश गर्नुपर्नेछ । बिक्री प्रबन्धकमा एनआईसी एशिया क्यापिटल लिमिटेड रहेको छ ।
वि.सं.२०७८ भदौ ११ शुक्रवार १३:३८ मा प्रकाशित