काठमाडौं । पञ्चकन्या माई हाइड्रोपावर गत आर्थिक वर्ष २०७७/७८ मा १ लाख ३१ हजार रुपैयाँ नाफा कमाएको छ ।
शुक्रवार कम्पनीले सार्वजनिक गरेको गत आवको चौथो त्रैमासिक वित्तीय अवस्थाले यस्तो देखाएको हो । अघिल्लो आवमा ४ करोड ३ लाख ५४ हजार रुपैयाँ नोक्सानीमा रहेको थियो ।
गत आवमा कम्पनीले विद्युत बिक्रीबाट ३४ करोड ५८ लाख ४६ हजार रुपैयाँ आम्दानी गरेको छ । जुन अघिल्लो आवको तुलनामा ६.४५ प्रतिशतले कमीले हो । अघिल्लो आवमा कम्पनीले ३६ करोड ९७ लाख १८ हजार रुपैयाँ आम्दानी गरेको थियो ।
कम्पनीको चुक्तापुँजी १ अर्ब १० करोड रुपैयाँ रहेको छ । कम्पनीको जगेठ तथा कोष भने ऋणात्मक नै देखिएको छ । गत आवमा कम्पनीको उक्त कोष १९ करोड ९० लाख ७३ हजार रुपैयाँ ऋणात्मक देखिएको छ । अघिल्लो आवमा पनि १८ करोड ४५ लाख ५९ हजार रुपैयाँ ऋणात्मक थियो ।
कम्पनीको प्रतिसेयर आम्दानी ०.०१ र प्रतिसेयर नेटवर्थ ८१ रुपैयाँ ८९ पैसा रहेको छ ।
वि.सं.२०७८ भदौ ११ शुक्रवार १४:१० मा प्रकाशित