काठमाडौं । साताको पहिलो कारोबार दिन सुनको मूल्य स्थिर रहेको छ । आइतबार नेपाली बजारमा छापावाला सुनको मूल्य प्रतितोला ९१ हजार ६ सय रुपैयाँ कायम भएको हो ।
नेपाल सुनचाँदी व्यवसायी महासंघका अनुसार अघिल्लो कारोबार दिन अर्थात शुक्रबार पनि सोही मूल्यमा खरिदबिक्री भएको थियो । महासंघले आजका लागि तेजावी सुनको मूल्य ९१ हजार १ सय रुपैयाँ निर्धारण गरेको छ ।
यस्तै, उक्त दिन चाँदीको मूल्य भने वृद्धि भएको छ । आज प्रतितोला १० रुपैयाँले वृद्धि भएको चाँदीको भाउ १२ सय १० रुपैयाँ पुगेको छ । अघिल्लो कारोबार दिन चाँदी १२ सय रुपैयाँमा खरिदबिक्री भएको महासंघले जनाएको छ ।
वि.सं.२०७८ भदौ १३ आइतवार १०:४५ मा प्रकाशित
