काठमाडौं : एनएमबि ५० को साउन मसान्तमा आइपुग्दा प्रतिइकाई खुद सम्पति मूल्य (न्याभ) बढेको छ । यसअवधिमा न्याभ १ रुपैयाँ ४६ पैसाले बढेर २० रुपैयाँ ४२ पैसा कायम भएको छ । असार महिनामा यसको न्याभ १८ रुपैयाँ ९६ पैसा थियो । एक महिनाको अवधिमा फन्डको सूचीकृत कम्पनीको सेयरमा लगानी पनि बढेको छ ।
सूचीकृत कम्पनीको सेयरमा लगानी २१ करोड १० लाख ५० हजार ९५२ रुपैयाँले बढेर १ अर्ब ७४ करोड रुपैयाँमा कायम भएको छ । असार महिनामा यसले सूचीकृत कम्पनीको सेयरमा १ अर्ब ५३ करोड ११ लाख रुपैयाँ लगानी गरेको थियो । साउन मसान्तसम्म आइपुग्दा फन्डको बैंक मौज्दात भने घटेको छ ।
बैंक मौज्दात २७ लाख ४५ हजार १६४ रुपैयाँले घटेर ४३ करोड २० लाख रुपैयाँ भएको छ । असार महिनामा यसको बैंक मौज्दात ४३ करोड ४८ लाख रुपैयाँ थियो ।
यसअवधिमा फन्डले ४९ वटा सूचीकृत कम्पनीको सेयरमा लगानी गरेको छ । फन्डको सबैभन्दा धेरै लगानी एनआइसी एसिया बैंकमा रहेको छ । एनआइसी बैंकको ९३ हजार ४२ कित्ता सेयरमा ९ करोड १९ लाख २५ हजार रुपैयाँभन्दा बढी लगानी छ ।
वि.सं.२०७८ भदौ १३ आइतवार १४:१२ मा प्रकाशित
