काठमाडौं । साताको पहिलो कारोबार दिन दुई कम्पनीको सेयर मूल्यमा उछाल आएको छ । नारायणी डेभलपमेन्ट बैंक र खानीखोला हाइड्रोपावर कम्पनीको सेयर मूल्यमा सकरात्मक सर्किट लागेको हो ।
आइतबार दुवै कम्पनीको सेयर मूल्य १० प्रतिशतले वृद्धि भएको छ । नारायणी डेभलपमेन्ट बैंकको प्रतिकित्ता १०३ रुपैयाँ ४० पैसाले वृद्धि भई १ हजार १३७ रुपैयाँ ४० पैसा पुगेको छ ।
यस्तै, खानीखोला हाइड्रोपावरको प्रतिकित्ता ३९ रुपैयाँ ३० पैसाले वृद्धि भई ४३२ रुपैयाँ ३० पैसा पुगेको छ ।
उक्त दिन जानकी फाइनान्सको सेयर मूल्य ६.९९ प्रतिशत, सिभिल लघुवित्त वित्तीय संस्थाको ६.३० प्रतिशत, मनकामना स्र्माट लघुवित्त वित्तीय संस्थाको ६.०९ प्रतिशतले वृद्धि भएको छ ।
यी कम्पनीसहित आजज गुहेश्वरी मर्चेण्ट बैंक एण्ड फाइनान्स, गुडवील फाइनान्स, मितेरी डेभलपमेन्ट बैंक, श्री इन्भेष्टमेन्ट फाइनान्स, वेष्ट फाइनान्स लगायतका लगानीकर्ताहरुले कमाएका छन् ।
वि.सं.२०७८ भदौ १३ आइतवार १५:२१ मा प्रकाशित
