काठमाडौं । आजदेखि मञ्जुश्री फाइनान्स लिमिटेडले संस्थापक सेयर बिक्री गर्ने भएको छ । कम्पनीले संस्थापक समूह तर्फको ९ हजार १८७ कित्ता सेयर बिक्री गर्न लागेको हो ।
उक्त सेयरको न्युनतम मूल्य प्रतिकित्ता ३ सय रुपैयाँ निर्धारण गरिएको छ । उक्त सेयर खरिद गर्न योग्य इच्छुक विद्यमान संस्थापकहरु वा जो कोही व्यक्ति, कम्पनी, संघ/संस्थाहरुले भदौ २० गतेसम्म अवोदन दिन सक्नेछन् ।
उक्त सेयर खरिदका लागि तोकिएको न्युनतम मूल्य भन्दा बढी अंकित गरि न्युनतम १ कित्तँ र अधिकतम सम्पूर्ण कित्ताका लागि आवेदन दिन सकिने कम्पनीले जनाएको छ । बिक्री प्रबन्धकमा एनआईबिएल एस क्यापिटल लिमिटेड रहेको छ ।
वि.सं.२०७८ भदौ १५ मंगलवार १०:४९ मा प्रकाशित