काठमाडौं । सेयर बजारमा गिरावट कायमै रहेको छ । आज पनि बजारमा ५०.१३ अंकको गिरावट आएको छ ।
साताको अन्तिम कारोबार दिन बजार परिसुचक पनि २९२६.८९ अंकको बिन्दुमा पुगेर बन्द भएको छ । कारोबार रकम पनि खुम्चिएको छ ।
उक्त दिन ९ अर्ब ५० करोड ५९ लाख ७० हजार रुपैयाँ बराबरको कारोबार भएको नेपाल स्टक एक्सचेञ्ज(नेप्से)ले जनाएको छ ।
बिहीवार सबै समूह राताम्मे बनेका छन् ।
उक्त दिन बैंकिङ समूह १६.४३ अंक, विकास बैंक १८६.१३ अंक, व्यापार समूह ३८.५६, जलविद्युत ११६.७८, होटेल तथा पर्यटन ०.९६, फाइनान्स ११३.८८, माइक्रोफाइनान्स २३.४७, जीवन बीमा ३४२.०२, निर्जीबन २३३.८४ अंकले घटेको छ ।
उक्त दिन सबैभन्दा बढी अरुण भ्याली हाइड्रोपावर डेभलपमेन्ट कम्पनीको सेयर कारोबार भएको छ । आज कम्पनीको ५७ करोड ४० लाख १२ हजार रुपैयाँ बराबरको कारोबार भएको छ ।
आज उच्च कारोबार हुने दोस्रो स्थानमा रहेको अपि पावर कम्पनीको ३२ करोड ९९ लाख ९८ हजार रुपैयाँ बराबरको सेयर खरिदबिक्री भएको छ ।
वि.सं.२०७८ भदौ १७ बिहीवार १५:०६ मा प्रकाशित
