काठमाडौं । कारोबारमा आएको पहिलो दिनमै सानिमा लाइफ इन्स्योरेन्स कम्पनीको सेयर मूल्यमा उछाल आएको छ ।
पहिलो दिन नै कम्पनीको सेयर मूल्यमा सकरात्मक सर्किट लागेको हो । उक्त दिन कम्पनीको सेयर मूल्य १० प्रतिशतले वृद्धि भएको छ ।
कम्पनीको सेयर मूल्य प्रतिकित्ता ३० रुपैयाँ ९० पैसाले वृद्धि भई ३३९ रुपैयाँ ९० पैसा कायम भएको छ । आजज कम्पनीको १ लाख ४० हजार रुपैयाँ बराबरको कारोबार भएको नेपाल स्टक एक्सचेञ्ज(नेप्से)ले जनाएको छ ।
नेप्सेका अनुसार पहिलो कारोबार दिन कम्पनीको ४३३ कित्ता सेयर खरिदबिक्री भएको हो । नेप्सेले पहिलो कारोबारका लागि १०३ रुपैयाँ १७ पैसादेखि ३०९ रुपैयाँ ५१ पैसा ओपन रेञ्ज तोकेको थियो ।
बिहीवार कम्पनीको सेयर मूल्य प्रतिकित्ता ३०९ रुपैयाँ खुला भएको थियो । कम्पनीको २ करोड कित्ता सेयर बुधवार नेप्सेमा सुचीकृत भएको हो ।
वि.सं.२०७८ भदौ १७ बिहीवार १५:२३ मा प्रकाशित
