काठमाडौं । साताको अन्तिम कारोबार दिन विभिन्न ५ कम्पनीको सर्वाधिक कारोबार भएको छ । सबैभन्दा धेरै सेयर कारोबार हुनेमध्ये अधिकांश जलविद्युत कम्पनी रहेका छन् ।
उक्त दिन सबैभन्दा बढी अरुण भ्याली हाइड्रोपावर कम्पनीको सेयर कारोबार भएको छ । उक्त दिन कम्पनीको ५७ करोड ४० लाख १२ हजार रुपैयाँ बराबरको कारोबार भएको हो ।
कम्पनीको आज ८ लाख १० हजार २९९ कित्ता सेयर खरिदबिक्री भएको नेप्सेले जनाएको छ । कम्पनीको सेयर मूल्य ६९४ रुपैयाँ रहेको छ ।
कारोबारकै आधारमा दोस्रो स्थानमा रहेको अपि पावर कम्पनीको ३२ करोड ९९ लाख ९८ हजार रुपैयाँको सेयर खरिदबिक्री भएको छ । उक्त दिन कम्पनीको ६ लाख १३ हजार ६४० कित्ता सेयर कारोबार भएको हो । कम्पनीको सेयर मूल्य ५२९ रुपैयाँ छ ।
यस्तै, आज ङादी ग्रुप पावरको २३ करोड ३१ लाख ४६ हजार रुपैयाँ बराबरको २ लाख ३७ हजार ३९१ कित्ता सेयर खरिदबिक्री भएको हो । कम्पनीको सेयर मूल्य प्रतिकित्ता ९६९ रुपैयाँ छ ।
त्यसैगरि युनाईटेड मोदी हाइड्रोपावरको २२ करोड २० लाख ७४ हजार रुपैयाँ बराबरको ३ लाख ९४ हजार ६८५ कित्ता र हिमालयन डिस्टीलरीको २० करोड १० लाख ७९ हजार रुपैयाँ बराबरको २९ हजार ६३६ कित्ता सेयर खरिदबिक्री भएको हो ।
वि.सं.२०७८ भदौ १७ बिहीवार १६:०० मा प्रकाशित