काठमाडौं । नेपाली बजारमा सुनको मूल्यमा भारी गिरावट आएको छ । छापावाला सुनको मूल्य प्रतितोला ६ हजार ४ सय रुपैयाँले घटेको छ ।
नेपाल सुनचाँदी व्यवसायी महासंघका अनुसार यस वर्षको भदौ १७ गते र गत वर्षको सोही दिनको तुलनामा उक्त रकमले सुनको मूल्य घटेको हो ।
गत वर्षको भदौ १७ गते ९७ हजार २ सय रुपैयाँमा कारोबार भएको सुनको मूल्य यस वर्षको सोही दिनसम्म आईपुग्दा ९० हजार ८ सय रुपैयाँ कायम भएको छ ।
यस्तै, चाँदीको मूल्यमा पनि गिरावट आएको छ । अघिल्लो वर्षको भदौ १७ गते प्रतितोला १३ सय ६५ रुपैयाँमा कारोबार भएको चाँदी यस वर्षको सोही दिनसम्म आईपुग्दा १६० रुपैयाँले घटेको हो ।
महासंघका अनुसार आज अर्थात भदौ १७ गते १२ सय ५ रुपैयाँ कायम भएको छ ।
वि.सं.२०७८ भदौ १७ बिहीवार १०:३१ मा प्रकाशित