काठमाडौं । लिवर्टी इनर्जी कम्पनी करिव ४ करोड नोक्सानीमा रहेको छ । कम्पनीले शुक्रबार सार्वजनिक गरेको गत आर्थिक वर्ष २०७८/७९ को चौथो त्रैमासिक वित्तीय अवस्थाले यस्तो देखाएको हो ।
कम्पनी गत आवमा ३ करोड ८५ लाख ७४ हजार रुपैयाँ नोक्सानीमा रहेको छ । अघिल्लो आवको सोही अवधिको तुलनामा भने कम्पनीले नोक्सानी घटाएको हो । अघिल्लो आवमा कम्पनी ५ करोड ८ लाख ९८ हजार रुपैयाँ नोक्सानीमा थियो ।
कम्पनीको अधिकांश सूचक ऋणात्मक देखिएको छ । कम्पनीको आयोजनाबाट विद्युत उत्पादन नभएका कारण विद्युत बिक्रीबाट हुने आम्दानी पनि भएको छैन ।
कम्पनीको चुक्तपुँजी १ अर्ब ५० करोड रुपैयाँ रहेको छ । कम्पनीको जगेडा कोष पनि ऋणात्मक देखिएको छ ।
अघिल्लो आवमा ११ करोड २३ लाख ४० हजार रुपैयाँ ऋणात्मक रहेको कम्पनीको उक्त कोष गत आवमा पनि १५ करोड ९ लाख १४ हजार रुपैयाँ ऋणात्मक देखिएको छ ।
कम्पनीको प्रतिसेयर आम्दानी २ रुपैयाँ ५७ पैसा ऋणात्मक र प्रतिसेयर नेटवर्थ ८९ रुपैयाँ ९४ पैसा रहेको छ ।
वि.सं.२०७८ भदौ १८ शुक्रवार ११:२५ मा प्रकाशित