काठमाडौं । दुरसञ्चार उपभोक्ताहरुसंग सम्वन्धित गुनासो अब नेपाल दुरसञ्चार प्राधिकरणको वेवसाइटमा सोझै दर्ता गराउन सकिने भएको छ ।
नेपाल दुरसंञ्चार प्राधिकरण, उपभोक्ता हित संरक्षण शाखाले प्राधिकरणले वेवसाइटमा राखिएको गुनासो व्यववस्थापक प्रणालीमा समेत गुनासो दर्ता गराउन सक्ने व्यववस्था गरेको हो ।
प्राधिकरणले दुरसञ्चार सेवाका सम्वन्धमा समस्या भएकमा उपभोक्ताहरुले सम्वन्धित सेवा प्रदायकहरुलाई गुनासो गर्दा पनि समस्या समाधान नभएको खण्डमा कार्यालयको सम्पर्क नम्बर तथा इमेल मार्फत गुनसो व्यवस्थापन गर्दै आएको हो ।
हाल उपभोक्ताहरुको गुनासोलाई थप व्यवस्थित तथा प्रभावकारी बनाउनका गुनासो व्यवस्थापन प्रणाली तयार गरेको प्राधिकरणले जनाएको छ ।
वि.सं.२०७८ भदौ १८ शुक्रवार १२:३७ मा प्रकाशित