काठमाडौं । नेपाल विद्युत प्राधिकरणले ठुलो संख्यामा कर्मचारी माग गरेको छ । एक सूचना निकाल्दै प्राधिकरणले खुला प्रतियोगितात्मक परीक्षाद्वारा स्थायी पदपूर्तिका लागि कर्मचारी गरेको हो ।
प्राधिकरणले अधिकृतदेखि मिस्त्रीसम्मका विभिन्न पदमा २७८ जना कर्मचारी मागेको हो । प्राधिकरणले अधिकृत, सहायक स्तरका मिटर रिडिङ सुपरभाइजर, लेखापाल, सुपरभाइजर, सिनियर मिटर रिडर, सहायक लेखापाल, फोरमेन, इलेक्ट्रिसियन र जुनियर मिस्त्रीमा कर्मचारी माग गरेको हो ।
उक्त विभिन्न पदमा इच्छुक योग्य उम्मेदवारहरुले सूचनामा तोकिएको आवश्यक कागजात तथा प्रक्रिया पुरा गरि आवेदन दिन सक्नेछन् । आवेदन आउँदो असोज ७ गतेसम्म र दोब्बर दस्तुर तिरेर असोज १४ गतेसम्म दिन सकिने सूचनामा उल्लेख छ ।
विस्तृतका लागि हेर्नुहोस् सूचना:
वि.सं.२०७८ भदौ १८ शुक्रवार १४:२४ मा प्रकाशित
